नेपाल टुरिजम एण्ड होटल म्यानेज्मेण्ट कलेज, छिनडाँडामा वार्षिक कार्यक्रम अनुसारको सप्ताहव्यापी खेलकुद कार्यक्रम शुरु भएको छ । विएचएम, विविए र विविएविआई पाँचौं सेमेष्टरको संयुक्त आयोजनामा शुरु भएको हो । कलेजका प्रिन्सिपल प्रकास रेग्मीले सोमबार एक समारोहका विच रेफ्री आशिष गुरुङ्गलाई बास्केटवल हस्तान्तरण गर्दै उद्घाटन गर्नुभयो । कार्यक्रम उद्घाटन गर्दै प्रिन्सिपल रेग्मीले शिक्षासंगै खेलकुदको पनि महत्व उत्तिकै भएको औल्याउनुभयो ।

खेलकुदले मानव जिवनमा अनुशासनको पाठ पढाउने भन्दै विद्यार्थी जिवनमा अनुशासन सबैभन्दा महत्वपूर्ण पक्ष रहेको रेग्मीको भनाई थियो । यसैविच बास्केटवलतर्फको उद्घाटन खेलमा विएचएम थर्ड सेमेष्टरले फष्ट सेमेष्टरलाई पराजित गरेको छ । अर्को खेलमा विविए सेभेन्थले एचएम ११ लाई तथा विएचएम फिप्तले विविए थर्डलाई पराजित गर्यो ।

एक साता सम्म चल्ने प्रतियोगितामा पु्रुष÷महिला बास्केटवल, पुरुष महिला भलिवल, टेवलटेनिस, रस्साकसी, पब्जी, घैटो फुटाउने, डाल्गोना, र्यामेन च्यालेन्ज, शटपुट, चेस तथा शिक्षक÷कर्मचारीहरुका लागि म्युजिकल चियर लगायतका खेलहरु सामेल गरिएको आयोजक समितिका सुस्मिता बस्यौलाले जानकारी दिनुभयो । प्रतियोगिताका विजेता खेलाडीहरुले शिल्ड, मेडल, प्रमाणपत्र सहितको पुरस्कार प्राप्त गर्नेछन् ।